Langfredag

Langfredagsnyhende frå Mali. Gjermund har laga eit resyme:

Uroa i Mali, held fram. Den politiske situasjonen er framleis uavklart. Kuppmakerane held på makta men vi les i media, t.d. vekemagasinet Jeune Afrique på nett, at det føregår forhandlingar. Den Vest-Afrikanske unionen prøver å få kuppmakerane til å gå av og få til ei overgangsregjering leia av presidenten i nasjonalforsamlinga; Dionkounda Traore.  Det er Unionen som har sett i verk blokaden, som eit pressmiddel mot kuppmakerane. Det vil være viktig for Mali at blokkaden blir heva. Då kan ein «normal» kvardag  ta til igjen, i den sørlege delen av landet. Forhåpentleg kan det få hjula til å gå rundt og få fart i tiltak som kan hindre ein vidare frammarsj frå tuareg-opprørarane i nord.

Tuareg-opprørarane i nord erklærte i går at frå dags dato er områda nord i Mali ein eigen sjølvstendig stat, kalla Azawad. Dette er området nord i Mali har tradisjonelt og historisk vore tuaregane sitt område. Dei har ved fleire høve prøvd å få til ein sjølvstendig stat, eller i det minste større sjølvråderett i og over dette området. Her og nå er området i nord også ramma av tørke og hunger. Internasjonale mediar snakkar om ei humanitær katastrofe. På grunn av uro og uavklarte situasjonar er det nå svært vanskeleg å nå fram med matvarehjelp i Mali. Det vil og bety at det er vanskeleg å hjelpe folk som er på flukt i sitt eige land. Hungerkatastrofa rammar ikkje berre Mali, men også Senegal, Burkina Faso, Niger, Tchad og Mauritania.

Tuareg-opprørarane er innbyrdes uenige. Frå vår synsvinkel kan dette kanskje være positivt for framtidsutsiktene. Tuareg-opprørarane består av fleire grupper. Ei gruppe ynskjer ein sjølvstendig sekulær stat medan det dei to andre; islams forsvarerar; Ansar al Din og Al Quaida inspirerte opprørarar ynskjer at sharia-lov skal gjelde. No kan det sjå ut til at det kan bryte ut kampar mellom desse gruppene, men dette er enno ikkje bekrefta.

Det er bekrefta er at det i nord dessverre er ville tilstandar nå. Vald, herjingar, ran, valdtekter og kidnappingar av folk frå det algirske konsulatet mellom anna. Mange flyktar eller prøver å flykte i mot sør og til nabolanda. Mange kristne vert forfylgde, ein del av desse har klart å kome seg til hovudstaden Bamako. Dei har måtte forlate alt dei eigde og hadde.

No ber kyrkjene i Mali om forbøn for landet og situasjonen. Dei ber oss særskildt om å huske på alle dei forfylgde i nord og om konkret hjelpt til kyrkjelydanei Bamako som no tar imot flyktningar. Dei treng matvarehjelp, klær og overnattingsplasser mellom anna.

NOEN MÅ VÅKE I VERDENS NATT

"Noen må våke i verdens natt,
noen må tro i mørket,
noen må være de svakes bror,
Gud, la din vilje skje på jord!
Hjelp oss å følge ditt bud!

Noen må bære en annens nød,

noen må vise mildhet,
noen må kjempe for andres rett,
Gud, la ditt rikes tegn bli sett!
Hjelp oss å følge ditt bud

Herre, du våker i verdens natt,

Herre, du bor i mørket,
Herre du viser oss Kristi dag!
Selv under livets tyngste slag
er vi hos deg, du vår Gud!"
                 Svein Ellingsen 1975