Først
nokre glimt frå situasjonen i nord.
Eit stort
problem i nordområda er mangelen på medisiner. Av 17 apoteker i Gao, Kidal og
Timbuktu er 14 stengt og dei tre som er åpne slit med å få tak i medisiner.
Dette er særs bekymringsfullt då regntida er igang og med den meir malaria og
andre sjukdomar.
Nokre meiner
at Ansar Dine, islamist rørsla som ynskjer ein islamsk stat, har fått
betydelege økonomiske forsterkningar mellom anna frå Algerie og Quatar. Islamistar har kome frå fleire andre
land mellom anna Tunisia, Algerie, Libya Sudan og Nigeria for å kjempe saman
med dei lokale. Dei har ein opparbeida seg ein liten hær. Dei har store midler
til disposisjon og betalar unge menn/ungdomar for å bli med i hæren deira.
Ungdomar som er lett påvirkelege.
I Bamako
I Bamako
jobbar politiet med å finne ut kven som var ansvarlege for angrepet på
fungerande president Dioncounda Traore. Dei ynskjer å få desse dømt. Ein av dei
politikerane som har støtta militærjuntaen Oumar Mariko kan også bli tiltalt.
Han er no i Brussel og fleire er usikre på om han kjem attende no. Han meiner
sjølv han har parlementarisk immunitet. Han er leiar for det første partiet som
støtta militærjuntaen.
Statsministeren
Cheick Modibo Diarra var klar i sin tale då han var på besøk i Segou førre
veke. Nord Mali er ein del av Mali og skal tas tilbake med eller utan våpen.
Militærjuntaens
leiar Sanogo, nå eks president, var ute og lufta seg fredag i all sin prakt og
vart køyrt til byen som om han var president. Han er offisielt på sidelinja,
men ifylgje nokre kilder likar han lite å vere der. Me får håpe han klarar å
bli der men siste ord er kanskje ikkje sagt om maktkampen. President Dionkounda
Traore er enno i Paris men skal attende i slutten av denne veka om eg har
forstått signala rett. Det blir spennande å sjå korleis han blir møtt av
statsministeren, det politiske miljøet og folk flest.
Konflikten
rammar turistnæringa hardt. Mange hoteller i Bamako er meir eller mindre
stengde. Hotel Amitie er snart bankerott. Resturantar, kafear og andre
teneste-ytande samanhengar retta mot
turistar og den internajsonale markedet er inne i svært vanskeleg periode. Det er få
utlendingar å sjå i gatelivet i Bamako. Nokre amerikanske/internasjonale
misjonærar er attende i Bamako og i Kayes.
Litt frå
kvardagen i vest Mali.
Det kjem
stadig vekk regn i store deler av Mali. Det har kome fleire og fleire stader og
nå er folk i full gong med å forbereie åkrane til såing. Nokre har allereie
byrja såarbeidet i Bafoulabé. Xhontela kommune- (Goundara) har fått ein del
tonn med hirse for å kunne hjelpe lokalbefolkninga visst eg forsto Aliou Jakite
rett. Det er snakk om mellom 8-17 tonn, han var ikkje sikker på mengda med
korn. Filip Keita, sonen til Etienne Keita skal vere med på dette på vegne av
regjeringa. Filip og Bakary Kante, som no er ferdig med bibelskulen og som er i
frå området planlegg no å holde regelmessige samlingar i Goundara. Filip skal
vere der i 8 månadar ifylgje Aliou J.
Det er no
vortesvin tid i Mali. På grunn av regnet og årsdtida er dei lettare å få auge
på, så eg lurer på om me kan få UD til å få opne grensene for misjonærjegerane.
Dette vil kunne vere eit godt humanitært prosjekt då vi kunne bidra med meir
kjøt til dei familiane som et vortesvinkjøt. Det spørs vel om UD er med på
ideen!?
På
Bibelskulen i Bafoulabé lagar dei lemmer til å ha føre dei vinduene som er mot
aust. I regntida ausar vatnet inn her. Desse skal kunne lukkast/opnast etter
behov.
I Tambaga
har dei no hatt fleire samlingar for dei kristne. Dette er viktige samlingar
for å stykje dei kristne rundt om i distriktet. 10 tonn hirse er utdelt til dei
trengjande.
Gjermund Johannes
Ingen kommentarer:
Legg inn en kommentar